Se mi havus gitaron mi eklernus ĝin ludi
Mi uzus da tempo por ? studi
Se mi havus voĉon mi kantus lulkanton
Mi kisus la belan dormanton
Se mi estus kun amikoj
Mi farus ion splendan
ĉiam mi trovus multon farendan
Se mi havus geamanton
Mi ĝin amus ĉiutage
La amon mi montrus kaj vorte kaj age

La voko – provoko
Tiras min al la loko
en hoko – sufoko
roku la bloko
Mi diras

Se mi povus skribi, mi lasus ĉiujn scii
Retpoŝte mi laŭtus multe pli ol ? krii
Mi havus influon, mian veron plibonigus
Mi montrus ekzemplon
Kaj tion diskonigus
Se mi estus nativulo
Mi konus enmigranton
Konscius, ke ni ĉiuj ja estas bonfarantoj
Se mi havus liberecon
Mi igus ĉiun tagon ĝoja
Sciante, ke ĉi-ĉio estas nur unu voj'

La voko – provoko
Tiras min al la loko
en hoko – sufoko
roku la bloko
Mi diras

Nu, pacamon al ĉiuj
Daŭre roku en la libera mondo
Daŭre surfu sur la granda ondo
Ĝis la finvenko

(parole)
Kaj landaj asocioj […]
Salutas la kongreson […]
Tiuj venontaj […]
Diversnacia delegitaro […]
Elokvente montras la mondamplekson de nia movado […]
Kaj atestas […] elparolon de Esperanto
[…]
Por Japanujo […] “Kiel vi scias?” […]

Suno brilas dum vintra tag'
Malvarmon mi ne sentas jam
Iradas mi sopirplen-plej
Direkte al poŝtoficej'
Leteron volas sendi mi
Amplenajn vortojn portas ĝi, fi!
jam delonge mi ne parolas al mia famili'

Mi marŝas, la grundon rigardante
Mian tristecon kaŝante
Homojn ĝenas mia ĉeesto
Kvazaŭ mi estus nura besto
Aŭ deliktul'

Ili rigardas mian koloron
Kiel maldecaĵ'
Ha! Kia perfidaĵ'
De tempo al tempo scivolemo demandas:
“El kie vi venas?”

Mia lando nuntempe militas
Miaj samlandanoj suferas tro
Neniam mi pensis, ke mi penus
Konkeri na Eŭrop'

Mi nur rememoras je mia famili'
Kaj je kiel malfacila estis por mi
Lasi ilin serĉante iom da prosperec'
Mi ne plu estas turisto
Mi iĝis kontraŭleĝul'

De miaj paperoj jam finiĝis
Ĉia validec'
Samkiel miaj deziroj lukti plu

Devas resti mi atendema
Je la son' de l' Polizei

Iras mi kun samlandanoj al drinkej'
Esperante, ke oni ne min rifuzu
ĉe la enirej'
Kaj ignorante la rigardon
De tiuj, kiuj volas deporti min

Skinheads ĉe la strato
Atendas min…
Min…

(parole)
La nun proponatan broŝuron la leganto kredeble prenos en la manojn kun malkonfido, kun antaŭe preta penso, ke al li estos proponata ia neefektigebla utopio; mi devas tial antaŭ ĉio peti la leganton, ke li formetu tiun ĉi antaŭjuĝon kaj ke li pripensu serioze kaj kritike la proponatan aferon.
Mi ne parolos tie ĉi vaste pri tio, kian grandegan signifon havus por la homaro la enkonduko de unu komune akceptita lingvo internacia […].

(parole)
Tiu ĉi disko aŭdigas al vi la voĉojn de kvin personoj, de kvin diversaj nacioj. Ili ĉiuj laboras en la centra oficejo de la Universala Esperanto Asocio. Tie ili parolas Esperanton kiel sian ĉiutagan lingvon, kaj uzas ĝin multe pli ol ili uzas siajn naciajn lingvojn.

Ĉio en la kapo estis en perfekta ordo
Kiam ŝi malfermis kaj sin montris ĉe la pordo
Aperis miavizaĝe riĉa, afabla, bela rido
Alvenis al la menso dolĉa poezia rimo

La koro tuj respondis, balanciĝis, pendolis
La korpo kaj animo ĉi-momente karambolis
Fortega, bruplena kiel uragano
Tute prava, absoluta, fatala tirano
Kaj mi infano, antaŭ la vulkano, antaŭ ŝi

Inspira, fervora, vigla, verva
Fonto de plezuro neelĉerpebla
Miriga, rimarkinda fenomeno
Delikata ĝuo, kontraŭveneno
Bonvena ĝeno

Ŝi, elvokiva glor', senfina apoteozo
La deliro, la pasio, l' ekstazo, furiozo
Elektra maŝin', kiu eĉ per paŝo simpla
Defias kaj provokas min
Provokas min interne, incitas min alterne
Mian flankon profanan, mian pion humanan
Kion fari? Kion fari?

Tute neevitebla, absolute necesa
Ĉiam preta por atako, la sinten' estas agresa
Estas for de miaj fortoj, la kontrolkapablo
Mi estas nuligita de ŝiaj varmaj afabloj

Mi volas, mi deziras, mi bezonas vin
Valida, vigla, valora, varma, verva virin'
Permesu mian buŝon tuŝi la vian
Permesu niajn korpojn unu kontraŭ l' alian
Venu, vera virin', venu do!
Venu, vera virin', venu ho!

Mi estis agitata de intensa movo
La korp' stimulita de stranga povo
Avido blaĝa, posedo sovaĝa
Mil ĝojaj sentoj fluas ĉi-momente
Kaj vibrigas la internajn kordojn de la koro
Violente, turbuleme, kaj torente
Jes, ja!

Verva virino, estu mia!
Ni, simbiozo perfekta, plena asocio
Zenito, la celo
Dolĉa energio
Verva virino, estu mia!

Altfrekvenca kurento, ŝia kiso
Kilo da tumultaj emocioj, nepra hiso

Hm, nepra hiso
Nepra kiso
Nepra biso
Ne plu diso
Ne plu ĝiso ĉar…

Vi ĵetas varmon en mian animstaton
Forte skuas kaj movas ĉiujn fizikajn partojn

Deziro karna, ĉu deziro peka?
Suspiro varma, ĉu suspiro veka?
Kompreneble jes!

Venu libere, pli intime
Venu ameme kaj senlime
Mi soifas vin
Venu, venu mi soifas vin
Via magneta povo, tre mistere
Iel sorĉe, tre efike tentas min
Seksa belulin' portu min
Al la supro, al la tuto
Al la pinto, altu min

Portu min kun vi
Dum la tuta semajn'
Dum la tuta vivo, portu min
Mi kaj vi homogena kombin'

Mi volas, mi deziras vin, mi bezonas vin
Valida, vigla, valora, varma, verva virin'